فى عز الليل
فى عز الليل ياقلبى بناديكى
الناس نايمه فى عز الليل وانا
بنده على اسمك يمكن الاقيكى
يجوز انا بحلم حتى ولوبحلم
فى عز حلمى بناديكى
يمكن اكون انا عاشق
مجذوب وهايم ولاطايل
اكون طاير ارفرف على عشك
عشان عشقك بقا قصه
ولاعمره يكون ذكرى
عشان صورتك فى جوه القلب
تقول عشقك ايوه انا عاشقك
واعيش مجذوب فى هوا عشقك
يمكن اكون عايش على الذكرى
على همسك على البسمه
اللى كانت مرسومه على وشك
لما اناديكى انا بوصفك
على النظره اللى كانت تواسينى
وايدين تطبطب على كتفى
وصدر حنين كان يدفينى
وكلمه حلوه تخلينى
اشق الصخر وانا جنبك
واقول يهون عذاب الدنيا عشان خاطرك
يلومنى الناس فى هوى عشقك
وانا معلول وعلتى عشقك
يقولو دواك يكون هجرك
وانا مدبوح بايد كانت
فى يوم تمسح على جرحى
ويجى اليوم اللى تكون سبب جرحك
يقولو دواك يكون هجرك
اقول دوايا دوام صبرى
ولو صبار بطعم المر انا صابر
يقولى القلب انا علتى بقت صبرك
يقولو الناس بقيت مجدوب
وهايم فى عز الليل تنده على عشقك
وعشقك ناسى وباع عيشتك
وطير مجروح انا جناح مكسور
فى عز الليل انادى بصوت منبوح
على اللى كان فى يوم عشقى
امضاء / زكريا دياب
الكلمات لها بقيه ولها ملكيه فكريه
ليست هناك تعليقات:
إرسال تعليق